Marketlərdə alış-veriş zamanı kassada müştərilərdən tez-tez bonus kartı təqdim etmələri istənilir. Bu kartlarla bəzi məhsullara endirim edilir, bonus və ya keşbek verilir.
AZXEBER.COM xəbər verir ki, bonus kartlarının məqsədi yalnız müştəriyə endirim vermək deyil. Marketlər bu kartlardan müştərilərin alış-veriş vərdişlərini öyrənmək üçün də istifadə edə bilirlər.
Məsələn, market müştərinin hansı məhsulları daha çox aldığını, nə qədər pul xərclədiyini və hansı məhsullara üstünlük verdiyini görə bilər. Bu məlumatlar marketə gələcək kampaniyaları və endirimləri planlamağa kömək edir.
Müştəri müəyyən məhsulu tez-tez alırsa, həmin məhsulla bağlı ona endirim təklif oluna bilər. Beləliklə, bonus kartı həm müştəriyə güzəşt verir, həm də marketə alıcını daha yaxşı tanımağa imkan yaradır.
Bonus sistemi müştərini eyni marketə yenidən getməyə də təşviq edir. Çünki toplanan bonuslar adətən həmin marketdə növbəti alış-veriş zamanı istifadə olunur.
Fəridə Əsədzadə
