Braziliyanın "Fluminense" klubunun ev oyunlarını keçirdiyi "Vale Das Laranceyrаs" stadionu Marselo Vieyranın adını daşıyacaq.
Arenanın adı 13 yaşında "Fluminense"də futbolçu karyerasına başlayan tanınmış müdafiəçinin şərəfinə dəyişdiriləcək.
Karyerasının ən yaxşı illərini İspaniyanın "Real" (Madrid) klubunda keçurən 36 yaşlı müdafiəçi burada bir çox titullar qazanıb. Ötən il "Fluminense" ilə müqavilə bağlayan Marselonun karyerasını ölkəsində bitirəcəyi gözlənilir.
