8 dekabrda Bakıda konsert verən gürcü əsilli alman prodüser, müğənni və bəstəkar Brendon Stoun (əsl adı Besarion Şpetişvili) yerli mətbuata müsahibə verib.
AZXEBER.COM xəbər verir ki, o müsahibəsi zamanı Xalq artisti Röyanın ünvanına təriflər yağdırıb.
Sənətçi xalq artisti ilə duet oxumaq arzusundan danışıb:
"Röya mənim çox xoşuma gəlir. Əgər o da razılıq verərsə, böyük məmnuniyyətlə onunla duet ifa etmək istəyərəm. Ümumiyyətlə sizin çox gözəl sənətkarlarınız var. Mən burada çox gözəl musiqiçilərlə tanış olmuşam. Sizin çox gözəl caz tarixiniz var. Bunu öz musiqiçilərimlə də müzakirə etmişik. Bura hər dəfə gələndə eşitdiyim caz musiqiləri ilə fəxr edirəm. Baxırsan sanki şansondur, amma bu əslində cazdır. Azərbaycanın hər musiqiçisində bu mükəmməl istedad hiss olunur. Eyyub Yaqubov, Ceyhun Bakinskiy, Sabir Əhmədovla duetlərim var. Yeri gəlmişkən deyim ki, dostum Emin Ağalarovla isə duet etməmişik. Bu haqda düşünmək lazımdır".
Xatırladaq ki, 2020-ci ildə Brandon stoun Xalq artisti Eyyub Yaqubovla "Самолёт Баку-Москва" mahnısını duet şəklində ifa edib.
Aysel
