İngiltərə Premyer Liqası təmsilçisi "Lester"in futbolçusu Ceymi Vardi cari mövsümün sonunda komandadan ayrılacaq.
38 yaşlı hücumçu bu barədə klubun X sosial şəbəkə hesabındakı videosunda bildirib.
Qeyd edək ki, C.Vardi 2012-ci ildən "tülkülər"də çıxış edir. O, bu mövsüm Premyer Liqada 7 qola imza atıb.
İngiltərə çempionatında 18 xalla 19-cu sırada yer alan "Lester"in Çempionşipə düşəcəyi dəqiqləşib.
