Böyük Britaniya keçən cümə günü baş vermiş və dörd Avropa hava limanın işini iflic edən genişmiqyaslı kiberhücumla əlaqədar şübhəli şəxsin saxlanıldığını açıqlayıb.
Bu barədə "Reuters" məlumat yayıb.
Məlumatda deyilir ki, Böyük Britaniya polisi bir sıra hava limanlarında uçuşlara qeydiyyat sistemlərini təmin edən "Collins Aerospace” şirkətinə qarşı həyata keçirilən kiberhücumun istintaqı çərçivəsində ilk şübhəli şəxsin saxlanıldığını bildirib.
Xatırladaq ki, kiberhücum səbəbindən sentyabrın 20-də Londonda, Brüsseldə və Berlin hava limanlarında sərnişinlərin uçuşlara qeydiyyatı əl ilə aparılıb, bir çox uçuşlar ləğv edilib və ya gecikdirilib.
Avropa İttifaqının Kiber Təhlükəsizlik Agentliyi bildirirdi ki, hakerlər kiberhücumda virus proqramndan istifadə ediblər.
\APA
