London Pekinin ölkə parlamentinin işinə müdaxilə cəhdlərindən narahatdır.
Bunu Böyük Britaniyanın Baş naziri Rişi Sunak G20 sammiti çərçivəsində Çinin Baş naziri Li Tsianla görüşü zamanı bildirib.
Bir müddət əvvəl Böyük Britaniyada Çinin xeyrinə casusluqda şübhəli bilinən iki nəfərin saxlanıldığı məlum olub.
Sunak bildirib ki, o, Çinin parlament demokratiyasına müdaxiləsindən "dərin narahatdır”.
Baş nazir bu cür hərəkətləri "açıq şəkildə qəbuledilməz” adlandırıb. Sunakın sözlərinə görə, "düzgün yanaşma üz-üzə danışmaqdır”.
