"Bu adamların həbsi Türkiyənin terror məsələsində yeni baxışını ortaya qoyması deməkdir" - AÇIQLAMA

 

AZXEBER.COM xəbər verir ki, HDP həmsədrləri Səlahəddin Dəmirtaş və Figen Yüksəkdağ da daxil olmaqla 11 deputat həbs olunub. Onlara qarşı "terror təşkilatı PKK-nın təbliğatını aparmaq”, "cinayəti və cinayətkarı tərifləmək”, "xalqı kin və düşmənçiliyə təhrik”, "silahlı terror təşkilatına üzv olmaq” və "dövlətin birliyi və bütövlüyünü pozmağa təşəbbüs” maddələri ilə ittihamlar irəli sürülüb.

 

AZXEBER.COM hadisəylə bağlı araşdırmaçı jurnalist, Türkiyə siyasətiylə bağlı bir neçə kitabın müəllifi Aqil Ələsgərin münasibətini öyrənib. O deyib ki, bu qərar çoxdan verilməliydi: "Bu əslində kifayət qədər gecikmiş qərardır. PPK-nın siyasi qanadı olan HDP-ni təmsil edənlərin parlamentdə olmaları bir növ fəaliyyətlərini leqallaşdırırdı. Bunun özü əslində yanlış bir addım idi. Bu səbəbdən HDP açıq şəkildə PPK-nı və terror təşkilatlarını müdafiə edən, onların haqqında bir dəfə də olsun mənfi söz deməyən, gücünü xalqdan yox, Kandildən alan bir siyasi görümlü terror təşkilatı idi. Eyni zamanda bildirmək istəyirəm ki, PKK ilə FETÖ-nun maraqları üst-üstə düşdüyünə görə Səlahəddin Dəmirtaş, həm də Pensilvaniyanın Türkiyədəki səlahiyyətli nümayəndəsi sayılır və onların həbs olunması, onlara qarşı siyasətin dəyişməsi Türkiyənin terror məsələsində yeni baxışını ortaya qoyması deməkdir. Bu əslində Türkiyənin illərdən bəri olan və son bir neçə ildə kürd açlımları erməni açlımları ilə açlımlarla bir qədər arxaya atılan dövlət siyasətinin yenidən bərpasıdır.

 

 

Jurnalist bu həbslərdən sonra Türkiyəyə Avropa və ABŞ-dan təzyiqlər olacağını bildirib: "Bu məsələylə bağlı Avropa və ABŞ-dan təbii ki, təzyiqlər olacaq. Onsuzda həm Avropa Birliyi, həm Avropanın ayrı-ayrı ölkələri Türkiyənin üzərinə gəlirlər. ABŞ bu məsələdə Avropaya baxdıqda təmkinli davranır. Mən də gözləyirəm ki, böyük güclər bu hadisədən istifadə edərək Türkiyədə yeni təzyiq rıçaqlarını işə salacaqlar. Ancaq Türkiyə də bu problemi ortadan qaldırması üçün heç bir təzyiqlərə baxmadan öz müstəqil siyasətini davam etdirməlidir. Əks halda Türkiyə Avropa Birliyi və ya Amerikanın qarşısında bu məsələyə görə hər hansısa bir güzəştə gedərsə, bu növbəti 30-40 ildə PPK-la davamlı şəkildə davam edəcəyini və sözlü, məhəlli tipli döyüşlərlə problemin getdikcə böyüyəcəyini, uzunmüddətli olacağını göstərir. Necə ki, artıq 30 ilə yaxındır ki, PKK ilə bağlı hər hansı bir ciddi bir addımın atıldığına şahid olmamışıq. Bir neçə istisnanı çıxmaq şərtiylə.