“Azərbaycanı böyük bir bölgənin informasiya mərkəzinə çevirmək imkanı var”
Bu sözləri AZXEBER.COM-a açıqlamasında millət vəkili Asim Mollazadə Azərbaycanın ilk peykinin orbitə çıxarılması ilə bağlı fikirlərini söyləyərkən bildirib. Millət vəkili bunun tarixi bir hadisə olduğunu söyləyib:
“Azərbaycanın ilk peykinin orbitə çıxarılması çox böyük tarixi hadisədir. Bu, ölkəmizin iqtisadi inkişafı üçün olduqca önəmli addımdır. Çünki Azərbaycan informasiya-kommunikasiya texnologiyalarının inkişafı istiqamətində ciddi irəliləyişlər edir və bu sahə ölkə iqtisadiyyatının, xüsusilə də, qeyri-enerji sektorunun inkişafına təkan verir. Bununla yanaşı, bu peykin ardınca yeni Azərbaycan peykləri buraxılarsa, bir sistem formalaşacaq və regionun informasiya-kommunikasiya sahəsinə böyük dəstək olacaq. Azərbaycanı böyük bir bölgənin informasiya mərkəzinə çevirmək imkanı var. Həmçinin, peyklər vasitəsilə Azərbaycan öz milli təhlükəsizliyini də təmin etməyə qadirdir”.
Ceyhun
