"Brilyant əl" filmində İçərişəhərdən çəkilən kiçik bir epizoda görə rus turistlər Bakıya axın edir.
AZXEBER.COM xəbər verir ki, Bakıya son aylar istirahət məqsədi ilə gələn turistlər arasında ərəb ölkələri ilə yanaşı, Rusiyadan gələnlər də az deyil. Sosial şəbəkələrdə aktiv olan rus turistlər Bakı səfərləri zamanı istisnasız İçəri Şəhərdəki bir səkinin üstünə uzanaraq çəkdirdikləri şəkili paylaşırlar.
Bu səkinin rus turistlər üçün maraq kəsb etməsinin isə önəmli bir səbəbi var. Belə ki, İçərişəhərdəki sözügedən səki “Briliyant əl” filmindəki kiçik bir epizodla yadda qalıb.
1968-ci ildə lentə alınan filmdə qəhrəmanlardan biri yıxılaraq yerə uzanır. Məhz bu epizod filmin ən gülməli epizodlarından biri hesab edilir.
Qeyd edək ki, filmdə Yuri Nikulin, Anatoli Papanov, Andrey Mironov, Nina Qrebeşkova kimi tanınmış yumor aktyorları çəkilib və film bu gün də maraqla izlənilir.
