Qış fasiləsində "Qarabağ"dan göndəriləcək ilk futbolçu müəyyənləşib.
Mövsümün əvvəlində "Bursaspor"dan transfer olunan Con Delarjla müqaviləyə xitam veriləcək.
Konqolu hücumameylli yarımmüdafiəçinin çıxışı Qurban Qurbanovu qane etmədiyindən baş məşqçinin onun komandada qalmasında maraqlı olmadığı bildirilir.
28 yaşlı futbolçu özü də bu gün "futbolinfo.az" saytına açıqlamasında qış fasiləsində "Qarabağ"dan ayrıla biləcəyini istisna etməyib.
Qeyd edək ki, "Qarabağ" Delarja görə Bursaspor-a 170 min avro təzminat ödəmişdi. Onunla 2+1 illik müqavilə imzalanıb.
