18 sentyabr 2024-cü ildə Balıq bürcündə baş verəcək Ay tutulmasının astroloji əhəmiyyəti böyükdür.
AZXEBER.COM Türkiyə mediasına istinadən xəbər verir ki, bu barədə astroloq Dinçer Güner öz sosial media hesabında paylaşım edib.
O, paylaşımda bildirib:
"Sentyabrın 18-də 25 dərəcə Balıqda Neptun Ay tutulması baş verəcək. Tutulmalar mühüm astroloji hadisələrdir və onların təsiri uzun müddət hiss olunur. Bu tutulmanın təsiri sentyabrın 18-dən sonra müsbət və ya mənfi olaraq 2 həftə ərzində hiss olunacaq.
Bu tutulma, xüsusilə Neptunun təsiri ilə yuxular, intuisiya və şüuraltı dünyamızla daha çox əlaqə qurmağa imkan verən mistik bir enerji daşıyır. Həyatın axarında özümüzü dalğalara buraxıb naməlumluğa addım atmaq bu dövrün əsas mövzusu ola bilər.
İçə dönük olmaq, xəyal qurmaq, qabığımıza çəkilmək, dəyişən şərtlər, məhsuldarlıq, şüurla şüuraltının kəsişməsi, böyük fədakarlıq, qurban olmaq, mistik məsələlər, mənəvi məsələlər, şəfqət, vicdan, reallıqdan uzaqlaşmaq aktual olacaq.
Bu tutulma dövründə sağlamlıqla bağlı məsələlər, xüsusilə də psixoloji və mənəvi sağlamlıq problemləri əhəmiyyət qazana bilər. Bu mövzularda cəmiyyətə fayda verəcək məlumatlar verilə bilər".
Oksana
