Bu gün futbol üzrə Azərbaycan yığması AÇ-2012-nin seçmə mərhələsi çərçivəsində növbəti matçına çıxır
Azerisport.az xəbər verir ki, Berti Foqtsun çalışdırdığı komandamız doğma divarlar arasında Qazaxıstanı qəbul edir.
Qeyd edək ki, bu görüş Foqtslu yığmamız üçün böyük önəm kəsb edir. Tsiklin Astanada keçirilən ilk oyununda qazaxlar millimizi məğlub etdiyindən, futbolçularımız sadəcə revanş barədə düşünürlər. Mümkün qələbə yığmamızın seçmə mərhələlər tarixində ilk dəfə 5 xaldan artığını qazanmasına da şərait yaradacaq. AÇ-2012-nin seçmə mərhələsi A qrupu 6 sentyabr 20:00. AZƏRBAYCAN - QAZAXISTAN Hakimlər: Anders Hermansen, Martin Vulf, Jakob Bille, Kenn Pii Hansen (hamısı Danimarka). Hakim-inspektor: Marinus Koopman (Hollandiya). UEFA nümayəndəsi: Velid İmamoviç (Bosniya və Herseqovina). Bakı. Tofiq Bəhramov adına Respublika stadionu AZƏRBAYCAN (təxmini heyət): Kamran Ağayev, Ufuk Budaq, Rəşad Sadıqov, Aqil Nəbiyev, Mahir Şükürov, Aleksandr Çertoqanov, Ruslan Abışov, Rəşad Sadiqov, Əfran İsmayılov, Vaqif Cavadov, Rauf Əliyev. Ehtiyat oyunçular: Baş məşqçi: Berti Foqts. QAZAXISTAN (təxmini heyət): Aleksandr Mokin, Aleksandr Kirov, Yuri Loqvinenko, Maksat Bayjanov, Mark Qurman, Kayrat Nurdauletov, Sergey Ostapenko, Marat Xayrulin, Ulan Konısbayev, Marat Şaxmetov, Sergey Qridin. Ehtiyat oyunçular: Baş məşqçi: Miroslav Beranek.
