Bu gündən başlayaraq bir il ərzində Azərbaycan GUAM-a sədrlik edəcək.APA-nın məlumatına görə, Azərbaycanın təşkilata sədrliyi dövründə əsas prioriteti GUAM məkanında münaqişələrin həlli, hüquq-mühafizə sahəsində əməkdaşlıq, beynəlxalq təşkilatlar çərçivəsində işbirliyi, GUAM çərçivəsində parlamentlərarası əməkdaşlığın inkişafı olacaq. Xatırladaq ki, Azərbaycanın GUAM-a sədrliyi ilə bağlı qərar dekabrın 7-də GUAM Xarici İşlər Nazirləri Şurasının Vilnüsdə keçirilən toplantısında qəbul olunub.
