Ötən həftədən etibarən Səudiyyə Ərəbistanının Miqrasiya Xidməti arvadları ölkə ərazisini tərk edən vətəndaşlara SMS göndərməyə başlayıb. AZXEBER.COM Rusiya mətbuatına istinadən xəbər verir ki, bu barədə “əl-Ərəbiyyə” telekanalı məlumat yayıb. Nəşr qeyd edir ki, belə ismarışlar hətta ər və arvad birlikdə harasa səyahətə getdikdə də göndərilir. Səudiyyə Ərəbistanında qadınlar ərlərinin və ya kişi cinsindən olan digər qohumlarının icazəsi olmadan krallıq ərazisini tərk edə bilməzlər. Qadınlar hava limanında və ya sərhəddə onlar üçün hazırlanmış xüsusi blank doldurmalıdırlar. Tətbiq olunan yeni nəzarət tədbiri sosial şəbəkələrdə ciddi narazılığa səbəb olub. Bu tədbirin görülməsinə isə ölkənin xanım vətəndaşlarından birinin İsveçə qaçaraq orada xristianlığı qəbul etməsi səbəb olub. Qadının özü isə haqqında yayılan məlumatları təkzib edib.
