Polşada güclü külək nəticəsində iki nəfər ölüb, 350 mindən çox istehlakçı işıqsız qalıb.
AZXEBER.COM oxu.az-a istinadən xəbər verir ki, hər iki şəxs ağacların avtomobillərin üzərinə aşması nəticəsində ölüb.
Gecə yarısından etibarən əsasən aşmış ağacların çıxarılması və binalara ziyan vurması ilə bağlı xilasedicilərə 6378 mesaj daxil olub.
Polşanın Meteorologiya və Su Təsərrüfatı İnstitutu xəbərdarlıq edir ki, şənbə günü ölkə ərazisində sürəti saatda 130 kilometrə çatan güclü külək müşahidə olunacaq.
Güclü külək səbəbindən dəmir yolu şirkəti "PKP Intercity” bu gün qatarların hərəkətində böyük çətinliklərin ola biləcəyi ilə bağlı məlumat yayıb. Eyni zamanda, insanlara səyahət etməmək tövsiyə olunur və biletlərin pulunun geri qaytaracağını vəd edilir.
Son məlumatlara görə, artıq ağacların relslərə aşması səbəbindən qatarların hərəkətində problemlər yaranıb.
