Hindistanın Kerala əyalətində leysan yağışların səbəb olduğu torpaq sürüşmələrində 84 nəfər həyatını itirib.
AZXEBER.COM xəbər verir ki, bu barədə Hindistan mətbuatında xəbər paylaşılıb.
Əyalət rəsmiləri bölgədə leysandan sonra baş verən çoxsaylı sürüşmə nəticəsində onlarla insanın torpaq altında qaldığını bildiriblər.
Milli Fəlakətlərə Müdaxilə Qüvvəsi (NDRF) tərəfindən verilən açıqlamada yerli könüllülər tərəfindən aparılan axtarış-xilasetmə işlərinə kömək etmək üçün Hindistan ordusundan bir qrup və helikopterlərin təyin edildiyi bildirilib.
Açıqlamada sürüşmələrin infrastruktura və yollara ciddi ziyan vurduğu, zərər çəkmiş Çoralmala kəndində 200 evin dağıldığı bildirilib.
Təxminən 116 yaralının müalicə üçün xəstəxanalara aparıldığı qeyd edilib.
