İtaliyada xeyriyyə təşkilatlarına bağışlanacaq məhsulları satan sosial media fenomeni Çiara Ferraqni fırıldaqçılıqda ittiham edildikdən sonra hökumət hərəkətə keçib.
AZXEBER.COM xarici mediaya istinadən xəbər verir ki, İtaliyadakı sağçı koalisiya hökuməti sosial mediaya təsir edənlərin xeyriyyəçilik fəaliyyətlərində daha şəffaf olması üçün yeni qaydaları ehtiva edən qanun layihəsini qəbul edib.
Xeyriyyəçilik kommersiya fəaliyyətlərində şəffaflığın daha da artırılmasını təmin etmək məqsədi daşıyan qanun layihəsinə əsasən, xeyriyyə əməliyyatının ünvanı və əldə edəcəyi məbləğ də daxil olmaqla, demək olar ki, hər bir təfərrüat açıqlanmalıdır.
Bundan əlavə, İtaliya Rəqabət Təşkilatı (Antitrust) yeni qaydalara əməl etməyənlərə qarşı cəzaların tətbiqinə cavabdeh olacaq və hər bir halda 5 ilə 50 min avro arasında dəyişən sanksiyalar tətbiq olunacaq.
Cəzalara baxmayaraq şəffaflıq tənzimləməsinə zidd davranışlar təkrarlanarsa, sözügedən hadisəyə 1 il fəaliyyət dayandırılacaq.
Hökumətin hazırladığı qanun layihəsinin qanuna çevrilməsi üçün parlamentin hər iki palatası onu təsdiqləməlidir.
Hökumətin bu son addımı İtaliya Rəqabət Təşkilatının ötən ilin dekabrında dünyaca məşhur İtalyan sosial media fenomeni Chiara Ferragni şirkətlərini bilinən Milad tortu vasitəsilə xeyriyyə məqsədilə müştərilərdən pul toplamaq üçün aldadıcı və ədalətsiz kommersiya təcrübələrində ittiham etməsindən sonra atılıb.
Sözügedən qalmaqalda Ferraqniyə aid iki şirkət və Milad tortu istehsal edən Balokko şirkəti ölkədə orta qiyməti 3.5 avro olan "Pink Christmas Pandoro” məhsulunu 2022-ci ilin noyabr ayında satışa çıxarıb.
Turin xəstəxanalarından birində sümük xərçəngindən müalicə alan uşaqların müalicəsi üçün vəsaitin toplanması barədə məlumat verib.
Onun adı ilə 9 avroya satışa çıxardığı və bundan əldə etdiyi gəlirin xəstəxana ilə bölüşdürülmədiyi məlum olub.
Hadisə ictimailəşdikdən sonra Çiara Ferraqni video paylaşaraq üzr istəyib və sözügedən xəstəxanaya 1 milyon avro bağışladığını açıqlayıb.
Mikayıl
