Mütəxəssislərin fikrincə, səhər yeməyinə avokado əlavə etmək ürək sağlamlığının qorunmasına kömək edə bilər.
AZXEBER.COM xəbər verir ki, araşdırmalar göstərib ki, həftədə ən azı iki porsiya avokado yeyən insanlar ürək-damar xəstəlikləri və ürəyin işemik xəstəliyi ilə daha az qarşılaşırlar. Avokado xolesterinin səviyyəsini azaltmağa və arterial təzyiqi normada saxlamağa kömək edir.
Meyvənin faydalı təsiri əsasən tərkibindəki bitki sterolları ilə əlaqələndirilir. Bu maddələr xolesterinin səviyyəsini aşağı salaraq ürək-damar xəstəliklərinin profilaktikasına dəstək verir. Avokadonun tərkibində həmçinin antioksidantlar, E vitamini və damar sağlamlığını qorumağa kömək edən digər faydalı mikro və makroelementlər mövcuddur.
Avokadonun yüksək lif tərkibi də onun üstünlüklərindən hesab olunur. Yarım avokado gündəlik tövsiyə olunan qida lifinin təxminən dörddə birini təmin edir. Bundan əlavə, avokadoda kaliumun miqdarı banandan daha çoxdur ki, bu da orqanizmin artıq duzun qan təzyiqinə mənfi təsirinə qarşı mübarizəsinə kömək edir.
