Nvidia şirkətinin rəhbəri Jensen Huang yaxın illərdə santexnik, elektrik və qaynaqçı kimi peşələrə böyük tələbat yaranacağını bildirib.
AZXEBER.COM Musavat.com-a istinadən xəbər verir ki, onun sözlərinə görə, bu sahələrin əsas üstünlüyü ondadır ki, süni intellekt və neyroşəbəkələr hələlik bu peşələri tam əvəz edə bilmir. Eyni zamanda, ixtisaslı kadr çatışmazlığı da sürətlə artır.
Məlumata görə, son üç ildə tikinti sahəsində çalışanlara tələbat 30 faiz, qaynaqçılara ehtiyac 25 faiz, elektriklərə tələbat isə 18 faiz artıb.
Jensen Huang hesab edir ki, yaxın illərdə texniki və fiziki əmək tələb edən peşə sahibləri əmək bazarında ən çox axtarılan mütəxəssislərdən birinə çevriləcək.
