"Rusiya Polşaya və ya hər hansı digər müttəfiqə hücum edərsə, Alyansın cavabı dağıdıcı olacaq”.
AZXEBER.COM "Qafqazinfo"ya istinadən xəbər verir ki, bu sözləri NATO-nun Baş katibi Mark Rutte Varşavada Polşanın Baş naziri Donald Tuskla birgə mətbuat konfransında deyib.
Rutte Rusiyanın Avropaya təhdid yaratmağa davam etdiyini bildirərək, daha təhlükəli hala gələn bir dünyada müdafiə xərclərini artırmağın vacib olduğunu deyib.
"Polşanın və NATO ərazisinin ümumi müdafiəsinə gəldikdə isə, kimsə Polşaya və ya hər hansı digər müttəfiqə hücum etməklə xilas ola biləcəyini düşünsə, bizim reaksiyamız dağıdıcı olacaq. Bu, Vladimir Putinə və bizə hücum etmək istəyən hər kəsə çox aydın olmalıdır”, - Rutte bildirib.
