Türkiyənin Sivas bölgəsinin Divriği səmtində 2 min insanın yaşadığı Cürək şəhəri illər əvvəl "Kiçik Paris" adlanırdı və bu gün xarabalığı ilə tərk edilmiş Çernobıla bənzəyir.
AZXEBER.COM Türkiyə mediasına istinadən xəbər verir ki, Sivasın Divriği mahalına 15 kilometr məsafədə, Cürək kəndi yaxınlığında yerləşən Cürək şəhəri səssizliyi və tənhalığı ilə görənlərin diqqətini çəkib.
Cümhuriyyətin ilk illərində bir mədən şirkəti tərəfindən işçiləri üçün inşa edilən obyekt Anadolunun müasir şəhərciyi kimi xidmət edirdi. Tək mərtəbəli yaşayış evləri, məktəb, xəstəxana, tökmə emalatxanaları, sosial obyektlər, çörək zavodu, market, üzgüçülük hovuzu, tennis kortu, basketbol və futbol meydançası, kinoteatrla dizayn edilmiş bir şəhər olan Cürək mədənçıxarma müəssisəsinin özəlləşdirilməsindən və iş yerlərinin azalmasından sonra boşaldılıb.
Zaman keçdikcə insanlar ərazini tərk etdikdən sonra şəhərə sükutluq çöküb. Dağıntılar altında olan Cürək 1986-cı ildəki nüvə qəzasından sonra səssiz şəhərə çevrilən Çernobıla bənzəyib.
Həmin ərazinin yaxınlığında yaşayanlar şəhər haqqında bunları deyib:
"Ora Kiçik Paris deyirdilər. İndi boşdur, amma çox gözəl yerdir”.
Oksana
