İsraildə azan qadağan olunur.
İsrail həm Fələstində, həm də İsraildə müsəlmanların etirazına səbəb olan yeni qanun layihəsi hazırlayıb.
Məlumata görə, İsrailin yeni qanunvericilik təşəbbüsü ölkədə camaatı namaza çağırış vasitəsi olan azanın ləğv edilməsi ilə bağlıdır.
İsrail ultra-millətçi partiyasının nümayəndəsi deputat Robert İlatovun fikrinə görə, azan israillilərin yuxusuna mane olur. Partiyanın daha bir üzvü, xarici işlər naziri Aviqdor Liberman da buna öz dəstəyini bildirib.
Qanun layihəsində qeyd olunub ki, gündə 5 dəfə yerli əhalinin narahatlığına səbəb olan səsi sudurmağın vaxtı gəlib çatıb.
Xatırladaq ki, belə bir fikir daha öncə 2011-ci ildə irəli sürülmüş, lakin ölkənin baş naziri Benyamin Netanyahu ölkədə siyasi çaxnaşmaya səbəb olacağını düşünərək bu fikri rədd etmişdi.
Hal-hazırda ölkənin 20 faizini ərəb müsəlmanları təşkil edir
///Gun.az
