Bu şəxslər Boston partlayışında şübhəli bilinirlər - VİDEO
DÜNYA
13:12 19.04.2013
1369
Birləşmiş Ştatların Boston şəhərində törədilmiş partlayışda şübhəli bilinən şəxslərin görüntüləri yayılıb. Federal Təhqiqatlar Bürosu (FTB) onların axtarışına başlayıb. Bu arada, Bostona gələn ABŞ prezidenti Barak Obama, bir daha terror aktında əli olanların məsuliyyətə cəlb olunacağına söz verdi.Bu arada, "New York Post"un verdiyi məlumatına görə, Boston marafonunda partlayış törətməkdə şübhəli bilinən şəxs saxlanılıb. O, Səudiyyə Ərəbistanının 20 yaşlı vətəndaşıdır. Hazırda saxlanılan şəxs xəstəxanadadır. Onun partlayış zamanı qəlpə yarası aldığı bildirilir.Uzun sürən araşdırmalardan sonra Birləşmiş Ştatların Federal Təhqiqatlar bürosu Boston partlayışlarında şübhəli bilinən 2 şəxsin görüntülərini yayımlayıb. Mətbuat konfransında FTB-nin nümayəndəsi Riçard Dolorye vətəndaşları həmin şəxslərin kimliyinin müəyyənləşdirməkdə güc strukturlarına kömək etməyə çağırıb. Özləri ilə çanta daşıyan həmin şəxslərin fotoşəkilləri və müşahidə kamerasından çəkilmiş görüntüləri eynilə büronun rəsmi internet səhifəsinə yerləşdirilib. Delorye həmin şəxslərin kimliyinin müəyyənləşdirilməsinin əsas məqsəd olduğunu və onların silahlı və son dərəcə təhlükəli ola biləcəyi fikrini irəli sürüb.Bu arada, prezident Barak Obama Bostona gedib. Şəhərdəki katolik kilsəsində keçirilən anım mərasimində bir daha şəhərdə törədilən partlayışların təşkilində əli olanların tapılıb məsuliyyətə cəlb olunacağını vəd edib.Bazar ertəsi şəhərdə keçirilən marafon yarışında törədilən iki partlayışda 3 nəfər ölüb, 170-dən çox adam yaralanıb.Hələlik, bu partlayışlara görə heç kim saxlanmayıb.
