AZXEBER.COM xəbər verir ki, bunu Daxili İşlər Nazirliyi (DİN) Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədovdeyib.Onun sözlərinə görə, Formula 1 yarışlarına hazırlıq məqsədilə yolların üst asfalt qatının döşənməsi ilə əlaqədar Bakının Neftçilər prospekti bu axşam saat 20:00-dan etibarən Azneft dairəsinin yanından, yəni "Four Seasons" otelinin qarşısından Əziz Əliyev küçəsi də daxil olmaqla Rza Rza küçəsinin kəsişməsinədək nəqliyyatın hərəkəti üçün müvəqqəti olaraq tam bağlanacaq:
"Bunu nəzərə alaraq, Bayıl qəsəbəsi, 20-ci sahə, Bayraq meydanı istiqamətindən Azadlıq meydanına doğru hərəkət edən nəqliyyat vasitələrinin sürücülərinə Azneft dairəsindən Niyazi, İstiqlaliyyət və Azərbaycan küçələrindən və Beşmərtəbə dairərəsindən keçməklə hərəkət etmələri tövsiyə olunur. Eyni zamanda, əks tərəfdən Azneft meydanına doğru hərəkət etmək istəyənlər Azadlıq prospekti-Zərifə Əliyeva küçəsi kəsişməsindən, yəni Hökumət Evinin yanından Rəşid Behbudov və Bülbül prospektlərindən keçərək Rəsul Rza küçəsindən sola dönməklə Neftçilər prospekti və Azadlıq meydanına doğru gedə bilərlər".
///Milli.az
