Xoş sürprizlər və sevincli anlar üçün çox həvəslənməyin. Müxtəlif səpkili qayğıların sayı çox olacaq. Ahəstə tərpənən, ardıcıllığa öyrəşmiş insanların bir işdən digərinə köklənmələri çətin olacaq.Emosional fon yaxşı deyil. Ünsiyyətdə ciddi problemlər yarana bilər. İnsanlar bir-birlərindən narazılıqlarını gizlətməyə çalışmırlar. Günün ikinci yarısı çoxlarının enerjisi azalacaq. Qoç - Yeni təəssüratlara ehtiyacınız var, amma bunları necə əldə etməyi bilmirsiniz. Arzularınız təzadlıdır və heç də həmişə ağıllı deyil. Xoşbəxtlikdən, onları həyata keçirməyə tələsmirsiniz. Qohumlarınızla, çoxdankı tərəfdaşlarınızla mübahisələr, sevdiyiniz şəxslə fikir ayrılıqları mümkündür: ortaq məxrəcə gəlmək çox çətin olacaq. Nə qədər tərsini sübut etməyə çalışsanız da, həmişə haqlı deyilsiniz. Odur ki, istədiyiniz vaxt inad göstərmək lazım deyil. Alış-verişə çıxmaq məsləhət deyil, nə qədər qənaətcil olsanız, bir elə yaxşıdır. Buğa - Mənfi tendensiyaların təsiri bir qədər azalır və narahatlıq üçün ciddi səbəbiniz qalmır. Yeni işlərə başlaya bilərsiniz - qətiyyətli olsanız, nəticəni çox gözləməyəcəksiniz. Birgə fəaliyyət daha səmərəlidir, lazım olanda köməkçiləri asanlıqla tapacaqsınız.Günün ikinci yarısında gözlənilməz görüşlər, maraqlı tanışlıqlar və yeni həvəslər mümkündür. Bu vaxt adi vaxtlarda olduğundan daha emosionalsınız və istənilən xırda hadisəyə sərt reaksiya verirsiniz. Maliyyə baxımından uğurlu gündür. Alış-verişə çıxa bilərsiniz. Əkizlər - Can atdıqlarınıza çatmağınız bir qədər şübhəli görünür, amma müəyyən nəticələr əldə edəcəksiniz. Daha yumşaq olun, şərait tələb edərsə, dərhal planları dəyişməyə hazır olun. Emosional fon qeyri-sabit olsa da, yaxşı əhvalı qoruyub saxlaya bilərsiniz: ətrafınızda gözünüzə gözəl görünən nə varsa, hamısına diqqət yetirin. Yaxınlarınızla gözəl gün keçirə, ailə üzvlərinizlə istirahət edə, birgə səfərlərə çıxa bilərsiniz. Amma bu o demək deyil ki, sırf ailədəkilərin istəklərinə görə mümkün ziyafətlərdən imtina etməlisiniz. Orada sizi maraqlı görüşlər gözləyir. Xərçəng - Hadisələri tələsdirməyin. Xoş gündür, amma sizdən səbr, təmkin, emosiyalarınıza tam nəzarət tələb olunur. Bugünkü köməkçiləriniz ağıl, məntiq və ehtiyatlılıqdır. Risk etmək, emosiyalara qapılmaq, öz prinsiplərinizdən geri çəkilmək, başqalarına uymaq, haya getmək məsləhət deyil. Yeni, özü də birmənalı olmayan məlumat ala bilərsiniz. Hələlik ondan necə istifadə etməyi bilmirsiniz, tələsməyin, tezliklə hər şey aydın olacaq. Köhnə tanışlarınız sizi yada salacaqlar. Onlarla görüş sizi xeyli sevindirəcək. Şir - Özünüzə başınız elə qarışıb ki, ətrafınızda nə baş verdiyindən xəbəriniz yoxdur. Xoşbəxtlikdən, bu gün belə bir hal elə də təhlükəli deyil. Öz problemlərinizin həlli ilə məşğul ola, fikirlərinizi qaydaya sala, prioritetləri müəyyənləşdirə, gələcək üçün planlar qura bilərsiniz. Həmçinin bu gün alış-verişə çıxa, interyer üçün gözəl əşyalar ala bilərsiniz. Evinizi daha da rahat etmək həvəsi ondan xəbər verir ki, tezliklə şəxsi həyatınızda müsbətə doğru dəyişikliklər olacaq. Qız - Sizin üçün adi olanlardan dördəlli yapışmasanız, gününüz maraqlı keçər, həyatınızda çox vacib hadisələr baş verə bilər. Ənənələri pozun, adilikdən qurtulun. Orijinal hərəkətlər və cəsarət xeyrinizə olacaq. Çoxdan düşündüyünüz, amma əlçatmaz olan planlarınızı həyata keçirə bilərsiniz.Günün ikinci yarısı səhhətiniz pisləşə, güclü yorğunluq hiss edə bilərsiniz. Gücünüzü düzgün qiymətləndirin. Sizin istirahətə ehtiyacınız var və o nə qədər sakit keçsə, bir o qədər yaxşıdır. Tərəzi - Vacib hadisələrə hazırlaşmaq üçün münasib gündür. Bu vacib hadisələrin nə olduğunu hələ bilmirsiniz? O zaman intuisiyanıza güvənin. Çalışın, heç nəyi gözdən qaçırmayasınız. Ən xırda detallara belə, fikir verin. Təsadüflər, qeyri-adi hadisələr taleyin sizə verdiyi ipucu ola bilər. Gün ərzində özünüzü yaxşı hiss etsəniz də, kefiniz korlana bilər. İdman, oyunlar, təmiz havada istirahət əhvalınızı düzəltməkdə kömək ola bilər. Əqrəb - Bu gün bəxti gətirənlərdənsiniz. İstənilən eksperimentin, yeni layihənin nəticəsi əla olacaq. Pul, dəyərli hədiyyə ala bilərsiniz. Faydalı sövdələşmələr mümkündür. Sevgidə də bəxtiniz gətirir. Taleyüklü görüş, yeni, başgicəlləndirici bir eşq macərasının başlanması mümkündür. Vacib qərarlar verə, hisslərinizi etiraf edə, gələcəyə planlar qura bilərsiniz.Oxatan - Tələsməyin. Vacib qərarlar verməyin, yeni işlərə başlamayın. İlk növbədə, bu, pullara aiddir: bu gün onları ağılsızcasına sərf edir, lazım olmayan sövdələşmələrə xərcləyirsiniz. Belə ağılsız hərəkətləriniz həyatınızın digər sahələrində də problemlər yarada bilər. Odur ki, ya ağlınızı başınıza yığın, ya da müdrik bir adamın məsləhətlərindən yararlanın. Səfərlərdən çəkinin. Onlar sizin gözlədiyinizə rəğmən, uzun və yorucu ola bilər. Yolda vacib bir sənədi, yaxud qiymətli əşyanı da itirə bilərsiniz. Oğlaq - Bu gündən bacardıqca faydalanın. Mürəkkəb, ciddi hazırlıq tələb edən işlər üçün münasib gündür. Elmi və tədqiqat işlərinin öhdəsindən asanlıqla gələcək, yeni bilikləri tez qavrayacaq, əsas və ikinci dərəcəli informasiyanı düzgün ayırd edəcəksiniz. Yaradıcı potensialınız yüksəkdir, sizdən tələb olunan isə onu düzgün məcraya yönəltməkdir. Şəxsi həyatınızda ciddi dəyişiklik mümkündür və onun necəliyi məhz sizdən asılıdır. Dolça - Başqalarının səbrini tükətməsəniz, münaqişələr yaratmasanız, gün yaxşı keçəcək. İnsanları tanımaq, onların hərəkətlərinin səbəbini araşdırmaq bacarığı köməyinizə gələcək. Son zamanlar aranızın yaxşı olmadığı insanla dil tapa, xətrinə dəydiyiniz birisiylə barışa bilərsiniz.Risklə bağlı situasiyalardan qaçın. Heç bir şübhəli işdə iştirak etməyin. Sizin ehtiyatlılığınız başqaları üçün bir örnəkdir. Günün ikinci yarısı xırda maliyyə çətinlikləri yaşaya bilərsiniz. Balıqlar - Sizin gününüz deyil. Qəfildən yaranan çətinliklər planlarınızı həyata keçirməyə mane olur, siz səhv qərarlar verirsiniz. Ən pisi isə odur ki, sevdiyiniz, hörmət bəslədiyiniz, qiymətləndirdiyiniz insanlarla münasibətləriniz korlanır. Bu gün dilinizdən çıxan sözlərə nəzarət etmirsiniz. Sonra çox peşman olacaqsınız. Planlaşdırılmamış səfərlər məsləhət deyil. Əgər bütün təşkilati işləri kimsə boynuna götürərsə, o zaman harayasa gedə bilərsiniz. Səyahət üçün geyim, çamadan, çanta, bilet və putyovka almaq da məsləhət deyil.
