Burkina-Fasonun şimalında silahlıların noyabrın 14-də jandarm məntəqəsinə silahlı hücumu nəticəsində ölənlərin sayı 53 nəfərə çatıb.
AZXEBER.COM xəbər verir ki, bu barədə "Reuters" məlumat yayıb.
Hücum zamanı 4 mülki şəxs də daxil olmaqla, 32 nəfərin itkin düşdüyü bildirilir.
Hadisə ilə bağlı ölkədə üç günlük matəm elan edilib.
Qeyd edək ki, Burkina-Faso son üç ildə Qərbi Afrikadakı terrorçu qrupların fəaliyyətinin episentrinə çevrilib. Ölkədə İŞİD-in strukturu olan "Böyük Səhrada İslam Dövləti” və "Ənsarül-İslam” qrupları fəaliyyət göstərir. Bu müddət ərzində terrorçular 1 000-dən çox dinc sakini qətlə yetirib, 1,5 milyondan çox insan evlərini tərk edərək qaçqın vəziyyətinə düşüb.
