xari

Burun əməliyyatı edən 24 yaşlı qız öldü - VİDEO

DÜNYA
21:10 19.01.2021
11909
Türkiyənin İstanbul şəhərində xüsusi bir xəstəxanada burun əməliyyatı edən gənc qızın 40 gün reanimasiyada qaldıqdan sonra öldüyü iddia edilib.

AZXEBER.COM "HaberGlobal"a istinadən xəbər verir ki, Fransanın paytaxtı Parisdə hüquq təhsili alan 24 yaşlı Manolya Oktay burun əməliyyatı etdirmək istəyib. 

O İstanbulda yerləşən xəstəxana ilə danışıqlar aparıb və əməliyyat üçün razılaşıb. 

20 Noyabrdan etibarən ailəsi ilə birlikdə Türkiyəyə gələn gənc qız, əməliyyat üçün Taksimdəki xüsusi bir xəstəxanaya gedib. 

Elə həmin gün əməliyyata girən Manolya Oktayın anesteziya edildikdən sonra ürək ritmindəki artıma görə vəziyyəti pisləşib. 

Gənc qız reanimasiyada 40 gün qaldıqdan sonra ölüb.

Mərhumun atası Əli Oktay deyib: 

Qızım üçün xüsusi bir xəstəxanada görüş təyin etdilər. Sadə bir əməliyyat idi, 2 saatlıq bir əməliyyat idi. Pis xəbərlər gəldi, dedilər qızın komadadır. Son 4 gündə 'bağırsaqlarda ziyan var' dedilər. Qızımız öldürüldü. Xəstəxana qızımızın cansız bədənini bizə verdi.

Mövzu ilə bağlı süjeti təqdim edirik: