Şərqi Avropa üzərində, 9 min metr yüksəklikdə NATO-nun havadan müşahidə və idarəetmə təyyarəsi olan AWACS – fırlanan radarla təchiz olunmuş bir nəzarət təyyarəsi – havada dövrə vurur. Bu yüksəklikdən NATO, xüsusilə Rusiyanın Kalininqrad bölgəsində və Baltik dənizi ətrafında baş verən istənilən fəaliyyəti izləyir.
Bu barədə "Business Insider” yazır.
Məlumata görə, ABŞ Hərbi Hava Qüvvələrinin zabiti, mayor Ben bu barədə belə deyib: "Biz havadan izləyirik.
Qeyd edilir ki, o, qırıcı təyyarələrin fəaliyyətini koordinasiya edir.
AWACS nədir?
Bu, "Boeing 707” təyyarəsinin modifikasiya olunmuş versiyasıdır və uzaqmənzilli radar sistemi ilə təchiz olunub. Sistem həm havadakı, həm də səthdəki obyektləri 500 km-dən artıq məsafədən aşkar edə bilir.
"Biz demək olar ki, baş verən hər şeyi görürük və bunu real vaxt rejimində komandanlığa ötürürük,” – deyə sistemin hollandiyalı dispetçeri kapitan Yasper izah edib.
Təyyarə Almaniyanın "Geilenkirxen” bazasından havaya qalxaraq, Baltik dənizində sualtı infrastrukturun təhlükəsizliyinə nəzarət məqsədi daşıyan "Baltic Sentry” əməliyyatında iştirak edir. Bu əməliyyat, bölgədə baş verən bir sıra sabotajlardan sonra həyata keçirilir.
Ekipajın əsas diqqəti Rusiyanın Avropadakı güclü hərbi mövqeyi olan Kalininqrad bölgəsinə yönəlib.
"Kalininqraddan bir qırıcı havaya qalxan kimi, biz bunu dərhal qeydə alırıq,” – deyə polşalı zabit, kapitan Marek təsdiqləyir.
///Apa
