Hər 10 nəfərdən birinin həyatı boyu qarşılaşacağı ən şiddətli ağrı böyrək daşı xəstəliyidir.
AZXEBER.COM Türkiyə mətbuatına istinadən xəbər verir ki, bu barədə türkiyəli dietoloq Ayşegül Akkaya Erden açıqlama verib.
Böyrək daşı riskinin duzlu yeməklə artdığına diqqət çəkən Qidalanma və Pəhriz Mütəxəssisi Ayşegül Akkaya Erden öz açıqlamasında deyib:
"Yeməkləri duzsuz bişirib müxtəlif dadlara görə müxtəlif ədviyyatlar, göyərti və sirkə istifadə edə bilərsiniz. Duzlu çərəzlər, turşu qidalar, pizza, fast-food məhsullarını yeməyə diqqət etmək lazımdır. Pəhrizin tənzimlənməsi böyrəklərdə yeni daşların əmələ gəlməsini azaldır və mövcud daşların böyüməsinə xeyli maneə törədir".
Dietoloq Erden qazlı içkilərin sidiyin turşuluğunu artırdığını, beləliklə də daş əmələ gəlməsi üçün mühit yaratdığını və bu səbəbdən kola, soda kimi qazlı içkilərdən uzaq durmaq lazım olduğunu bildirib. Dietoloq qeyd edib ki, tərkibində çox miqdarda kalsium olan süd və qatıqların həddindən artıq yeyilməsi də böyrək daşı riskini artırır.
Sitrat maddəsinin böyrək daşlarının əmələ gəlməsinin qarşısını aldığını vurğulayan Erden:
"İdrarın turşuluğunu aradan qaldıran sitrat maddəsi olan limon və portağaldan faydalanmaq lazımdır. Çay, şorba kimi qidalara limonadın tez-tez qatılması və limonad içilməsi böyrək daşlarının əmələ gəlməsinin qarşısını alması baxımından çox vacibdir. Daş əmələ gəlməsinə genetik meyli olan şəxslərin gündəlik duzlu yeməyi 3-5 qram, yəni təxminən bir çay qaşığı olmalıdır".
Oksana
