Böyük Britaniya ilə Avropa İttifaqı (Aİ) arasında "Brexit” sonrası ticarət əlaqələrinə dair razılığa gəlinib.
Bu barədə Böyük Britaniyanın baş naziri Boris Conson tvitter səhifəsindən məlumat paylaşıb.
Həmçinin Avropa Komissiyasının prezidenti Ursula fon der Leyen də Birləşmiş Krallığın Aİ üzvlüyünü tam tərk etməsindən sonrakı dövrdə tərəfdaşlıq əlaqələrinə dair razılığa gəldiklərini bildirib:
"Bu razılıq başlıca əlaqələrin qırılmasını əngəlləməyə imkan yaradır. Bunun üçün mübarizə aparmağa dəyərdi. Artıq Böyük Britaniya ilə ədalətli, tarazlı sazişimiz var. Bununla Aİ-nin mənafeyi qorunacaq, sağlam rəqabət təmin olunacaq”.
