Türkiyənin “Eurovision 2012” mahnı müsabiqəsindəki təmsilçisi Can Bonomonun yarışmadan çıxarılması xəbərini yayan şəxs tapılıb.
AZXEBER.COM-un Türkiyə mətbuatına istinadən verdiyi xəbərə görə, bu yalanı İspaniyada Autonoma Universitetinin tələbəsi Gülün Topaç yayıb. O, bu xəbəri universitetdən verilən tapşırığı yerinə yetirmək üçün yaydığını bildirib. Topaç müsahibəsində: “Tapşırığımız “Twitter”də “trend-topic” yaratmaq idi. Bloqu qurdum, ardından da xəbəri yazdım. Twitterdə 'canbonomoyahaksızlık' başlıqlı bir mövzu açdım. Sosial medianın bu xəbər qarşısında reaksiyasız qalmayacağına əmin idim. Heç kəsə zərər vermədən tapşırığımı müvəffəqiyyətlə tamamladım deyə düşündüm. Bütün olanlar bir neçə jurnalistin və məşhur insanın açdığım bloqu “Twitter”də paylaşması ilə oldu. Məqsədim nə TRT-yə, nə də Can Bonomonun imicinə zərər gətirmək deyildi. Əgər bəzilərini xətrinə dəydimsə, onlardan üzr istəyirəm. Hadisənin heç kimə zərər vermədiyini düşünürəm. Hətta bəlkə də, faydası belə olmuşdur!”
Qeyd edək ki, Bakıda keçiriləcək “Eurovision-2012” müsabiqəsində Türkiyəni təmsil edən Can Bonomonun müsabiqəyə qatılmayacağı bildirilirdi.
Ozal İbrahimli
