Canlı yayım zamanı yazıçı Rayan Ceyms Girduski Fələstinə dəstəyi ilə tanınan müsəlman jurnalist Mehdi Həsənə sərt sözlər deyib.
AZXEBER.COM xarici mediaya istinadən xəbər verir ki, hadisə "CNN Newsnight ilə Abby Phillip” verilişində baş verib.
Belə ki, verilişin iştirakçıları Donald Trampın seçiciləri ilə görüşünü müzakirə edərkən Girduski Həsənə tez-tez antisemitizm damğası vurulduğunu deyib.
Fələstinlilərə verdiyi dəstəyə görə bu cür hücumlara öyrəşdiyini deyən Həsənə cavab olaraq Girduski Livanda peycerlərin partladılması hadisəsinə toxunaraq "Ümid edirəm peyceriniz cibinizdə partlamaz" deyib.
Bu sözlərdən sonra canlı yayım zamanı ara qarışıb və veriliş davam etdirilib.
Mikayıl
