Braziliyada xəbər qrupu inanılmaz bir anı kameralara çəkib
Braziliyada silahla vurulan bir yaralının yanına polis və təcili yardımdan əvvəl çatan xəbər qrupu inanılmaz bir anı kameralara çəkib. Braziliyanın Joao Pessoa şəhərində 24 yaşlı Rodriqo de Silvanın başından vurulma anı televiziya kamerasına yaxalanıb.Usta olduğu bildirilən Silva yaralı halda səkidə yatarkən, hadisə yerinə çatan televiziya müxbiri Xosenildo Gonçalves bir tərəfdən mövzu ilə bağlı məlumatları tamaşaçılara çatdırarkən, kamera da səkinin üzərində hərəkətsiz yatan adamı göstərirdi. Elə o anda oradan keçməkdə olan sarı köynəkli bir adam yaralıya yaxınlaşır, belindəki silahı çıxarır və yaralının başından atəş açır.Panikaya qapılan televiziya qrupu hadisə yerindən qaçıb, təcili yardım və polislə birlikdə geri dönüb.
