"Karantin rejiminin uzadılması lazım idi".
AZXEBER.COM xəbər verir ki, bunu Qaynarinfo-ya açıqlamasında Respublikanın Baş infeksionisti Cəlal İsayev karantin rejiminin daha 15 gün uzadılmasına münasibət bildirərkən deyib. Onun sözlərinə görə, bu qərar vətəndaşların sağlamlığına xidmət edir:
"Yoluxma sayı yüksək olaraq qalır. Şükür ki, iyulun 16-da rəqəmlər aşağı düşüb. Bu baxımdan hesab edirəm ki, görülən tədbirlər effet göstərib".
Cəlal İsayev qeyd edib ki, bütün tədbirlər ağır xəstələrin sayının azalmasına xidmət edir:
"Əsas odur ki, yoluxma sayı aşağı düşsün, ağır və xəstəxana şəraitində müalicə olunan xəstələrin sayı da az olsun".
Qeyd edək ki, Nazirlər Kabineti yanında Operativ Qərargahın üzvü Şahmar Mövsümov karantin rejiminin daha iki həftə uzadılacağını bildirib.
