Cənubi Koreya müxalifəti prezidentin səlahiyyətlərini icra edən Han Dok Sunun impiçment prosesini dekabrın 26-dək təxirə salıb.
AZXEBER.COM xəbər verir ki, bu barədə məlumatı "Yonhap” yayıb.
Ölkənin Demokratik Partiyasının fraksiya rəhbəri Pak Çan Denin sözlərinə görə, müxalif partiyalar hakimiyyətə tələblərin yerinə yetirilməsi üçün vaxt verib:
"Cümə axşamı, yəni 26 dekabr tarixi bizim tələblərimizin yerinə yetirilməsi üçün son gündür. Əks halda bu məsələ dekabrın 27-də Parlamentin müzakirəsinə çıxarılacaq”.
Qeyd edək ki, dekabrın 14-də Parlament ölkə başçısı Yun Sok Yola impiçment elan edib. Qərarın lehinə 204, əleyhinə isə 85 deputat səs verib.
Cənubi Koreyada ictimai-siyasi gərginlik dekabrın 3-də hərbi vəziyyət elan edildikdən sonra yaranıb. Ölkə lideri o zaman xalqa müraciətində bu qərarı Şimali Koreyadan yönələ biləcək təhlükənin qarşısının alınması ilə əsaslandırıb.
