Türkiyənin Ədirnə şəhərində CHP millət vəkili Ahmet Baran Yazganın da olduğu evdə səhər saatlarında baş verən insidentlə bağlı araşdırma başlanıb.
AZXEBER.COM-un xarici mətbuata istinadən verdiyi məlumatına görə, saat 03:15 radələrində polisə daxil olan məlumat əsasında hadisə yerinə gedən əməkdaşlara Yazgan döyüldüyünü, telefonunun əlindən alındığını və döyülmə anının görüntülərinin çəkildiyini bildirib.
Daha sonra onun telefonu soyuducunun altında tapılıb.
Hadisə ilə bağlı 3 nəfər saxlanılıb. Şübhəlilər ifadələrində ad günü qeyd edildikdən sonra evdə spirtli içki qəbul edildiyini və Yazganın orada olan qadınlardan birinə qarşı cinsi məzmunlu ifadələr işlətdiyini, onunla birlikdə olmaq istədiyini söylədiyini iddia ediblər.
İddialara görə, mübahisə məhz bu sözlərdən sonra davaya çevrilib. Hadisə zamanı çəkilən mobil telefon görüntüləri də istintaq materiallarına daxil edilib. Görüntülərdə Yazganın döyüldüyü əks olunub.
Araşdırmanın digər istiqamətində isə deputatla bağlı cinsi təcavüz iddiası araşdırılır. Ədirnə Respublika Baş Prokurorluğunun məsələ ilə bağlı araşdırma apararaq sənədləri Ankara Respublika Baş Prokurorluğuna göndərmək üçün müvafiq sənəd hazırlayacağı bildirilir.
Millət vəkili polisə ifadə verməkdən imtina etdiyi, prokurorluq tərəfindən ifadə verməyə çağırılmasının planlaşdırıldığı qeyd olunur.
Gülay
