Bakıda BMT-nin İqlim Dəyişikliyi üzrə Çərçivə Konvensiyasının Tərəfləri Konfransının 29-cu sessiyasının (COP29) səkkizinci günündə Mavi Zonada müxtəlif yerli və beynəlxalq təşkilatların tədbirlərinə start verilib.
AZXEBER.COM Oxu.az-a istinadən xəbər verir ki, hazırda "Mercy For Animals" mətbuat konfransı keçirir. Həmçinin, Fermerlərin gündəlik koordinasiya yığıncağı, İqlim dəyişikliyi üzrə beynəlxalq yerli xalqlar forumu, RINGO-nun gündəlik koordinasiya görüşləri, İnnovativ mühit və resursların idarə olunması üçün Aralıq dənizi Əməkdaşlığının müzakirələri, YOUNGO-nun iclası, ENGO-CAN təşkilatlarının gündəlik koordinasiya iclası, TUNGO Həmkarlar İttifaqı Qeyri-Hökumət Təşkilatlarının tədbiri keçirilir.
