«APA-Economircs»in konsaltinq şirkətinin rəsmi veb-saytına istinadən verdiyi məlumata görə, sözügedən siyahıda Bakı yer almayıb.
Nüfuzlu şəhərllər reytinqində birinci yerdə Nyu-York, ikinci yerdə London, üçüncü yerdə isə Paris qərarlaşıb.
Siyahının ilk onluğuna Tokio, Brüssel, Los-Anceles, Sinqapur, Pekin, Toronto və Berlin kimi şəhərlər də daxil olub.
Postsovet ölkələrindən siyahıda yalnız Rusiya paytaxtı yer alıb. Moskva reytinqdə 21-ci yerdə qərarlaşıb. Türkiyənin İstanbul şəhəri isə Milan, Boston, Mayami, Dubay kimi şəhərləri arxada qoyaraq reytinqdə 27-ci yeri tutub.
Qeyd edək ki, «Knight Frank»ın siyahısı 2008-ci ildən etibarən dərc olunur. Qırx şəhərdən ibarət siyahı iqtisadi fəallıq, siyasi təsir, həyat və bilik səviyyəsi və nüfuzluq göstəriciləri üzrə tərtib olunur.
