Gündəlik həyatımızda liftə üstünlük vermək vaxtımıza qənaət etsə də, pilləkənlə qalxmaq fiziki aktivliyi artırmağın sadə yollarından biridir.
AZXEBER.COM xəbər verir ki, mütəxəssislər qeyd edirlər ki, pilləkən qalxmaq ürək-damar sisteminin fəaliyyətini dəstəkləyən və ayaq əzələlərini işlədən fiziki aktivliklərdəndir. Hətta gün ərzində qısa müddət ərzində pilləkənlərdən istifadə etmək ümumi hərəkətliliyə əlavə oluna bilər.
Pilləkənlə qalxmaq zamanı ürək döyüntüləri sürətlənir və əzələlər daha çox işləyir. Bu fəaliyyət həmçinin gündəlik enerji sərfiyyatını artırmağa kömək edə bilər.
Bununla belə, "liftə minmək sağlamlığa zərərlidir” demək düzgün olmaz. Problem liftin özündə deyil, gün ərzində ümumiyyətlə az hərəkət etməkdədir. Pilləkən seçmək isə hərəkətsizliyi azaltmağın praktik yollarından biri ola bilər.
Şahanə Ziyad
