Daxili İşlər Nazirrliyi bu gün Bakıda bir qrup gənc tərəfindən keçirilən mitinq barədə rəsmi məlumat yayıb. Nazirliyin mətbuat xidmətindən verilən məlumatda deyilir:
”Bu gün özünü Gənclərin Hüquqlarını Müdafiə Komitəsi adlandıran qurum Bakı Şəhər İcra Hakimiyyəti ilə razılaşdırılmış mitinq keçirib.
Saat 15:00-dan 17.00-dək davam edən toplantıda AXCP, Müsavat, ADP, VHP, AXP, KXCP, Ümid partiyalarının, o cümlədən bir neçə müxalif yönümlü gənclər təşkilatlarının ümumi sayı təxminən 350 nəfərə qədər olan üzvü və təəssübkeşi iştirak edib.
İctimai asayişin və hüquq qaydasının kobud şəkildə pozulması hallarına yol verilməyib”.
