“Mən indi əminəm ki, Zakir Həsənov orduda olan bütün problemlərin öhdəsindən qeyrətlə gələcək”.
Bu sözləri AZXEBER.COM-a açıqlamasında Milli Məclisin TəhlükəsizlikvəMüdafiə komitəsinin üzvü, deputat Aqil Abbas söyləyib. Deputat Prezident İlham Əliyevin Nazirlər Kabinetinin yeni tərkibi ilə bağlı dünən imzaladığı sərəncamda Səfər Əbiyevin yerinəZakir Həsənovu Müdafiə naziri təyin olunmasını yüksək qiymətləndirib:
“Ümumiyyətlə mən gedən adamın arxasınca danışmaram. Ancaq Səfər Əbiyev vəzifədə olduğu vaxtlarda ordudakı əyri-əskikləri həm demişəm, həm də öz yazılarımda yazmışam. Amma mən sevinirəm ki, Səfər Əbiyevin yerinə elə bir adam təyin olunub ki, o bu sahənin ən peşəkar insanlarından biridir. Gedin, Daxili Qoşunların hərbi hissələrinə baxın! Elə bil hərbi hissə deyil, sanatoriyadır. Mənim sonuncu dəfə “Dolu” filmim çəkildi. Bu filmin çəkilişləri zamanı mən 3 ay Daxili Qoşunların hərbi hissələrində oldum. Daima əsgərlərlə bir yerdə yemək yeyirdik. Sizi inandırım ki, buradakı yeməklər Yesundikidəki sanatoriyadakı yeməklərdən qat-qat keyfiyyətli idi”.
Deputat eks-nazir Səfər Əbiyev haqqında danışmaq istmədiyini söyləyib. O, keçmiş nazirin vəzifəsini icra edərkən çoxlu sayda qüsurlar buraxdığını inkar etməyib:
“Ordumuzdakı vəziyyətləri hamı bilirdi. Mən indi əminəm ki, Zakir Həsənov orduda olan bütün problemlərin öhdəsindən qeyrətlə gələcək. Səfər Əbiyevə gəldikcə isə, o artıq gedib. Gedənin arxasınca danışmaq düzgün deyil. Amma onun hərbidə elədiyi günahları bir Allah bilər, bir də övladı ölən anaların ahı”.
Əfsələddin Ağalarov
