Həyatda heç bir şeydən həzz ala bilməmək kimi bir xəstəlik var. Bu xəstəliyə "Anhedoniya" deyilir.
AZXEBER.COM xəbər verir ki, mütəxəssislər son zamanlar bu hala tez-tez rast gəlindiyini açıqlayıb.
Yunan dilindən tərcüməsi kefsizlik olan xəstəlik depressiyadan yaranır.
"Anhedoniya", əvvəlcə zövq alınan fəaliyyətlərdən, hobbilərdən məmnuniyyət və ya sevinc hissinin itirilməsi, ya da ciddi şəkildə azalmasıdır.
Depressiyanın əsas simptomlarından biri hesab olunan bu hal, narahatlıq, şizofreniya və bipolyar pozğunluq kimi digər psixoloji vəziyyətlərlə də əlaqəli ola bilər.
Bu xəstəliyi yaşayan insanlar sosial əlaqələrdən, hobbilərdən və hətta yemək və fiziki fəaliyyətdən zövq almaqda çətinlik çəkə bilirlər ki, bu da onların şəxsi həyat və ya münasibətlərinə mənfi təsir göstərə bilir.
Aysel
