"Biz bu gün Hadı Rəcəblinin ölümünü kədərlə qarşıladıq. Hadı müəllim həm mənim uzaq qohumum, həm yerlim, həm də silahdaşım olub".
Bu sözləri AZXEBER.COM-a açıqlamasında Milli Məclisin deputatı Rüfət Quliyev vəfat edən mərhum sabiq deputat Hadı Rəcəbliylə vida mərasımində deyib.
Deputat bildirib ki, o, sabiq millət vəkili ilə 15 il birlikdə çalışıb:
"Biz 15 il birlikdə Milli Məclisdə millət vəkili kimi çalışmışıq. Görkəmli alim, politoloq, professor habelə gözəl insan idi. Bundan savayı, Hadı müəllim jurnalistlərin dostu idi. Səxavətli və əliaçıq bir insan idi. Əfsuslar olsun ki, biz bu xoş sözləri artıq keçmiş zamanda deyirik. Hadı müəlllimin vəfatı hər birimiz üçün böyük itkidir. Allah mərhuma rəhmət etsin".
Günel Hüseynli
Fərid Faiqoğlu
