"Ümumiyyətlə, deputatların maaşını ləğv etmək lazımdır. Axı 5-6 nəfəri çıxsaq, parlamentdə əyləşənlərin əksəriyyətinin aylıq 1500-2000 min manat ehtiyacı yoxdur! Köməkçiləri də ləğv edilsin! Kim istəyir canı çıxsın öz pulu ilə özünə köməkçi saxlasın!
10-15-20-25 ildir deputatdırlar, qoy bundan sonra millətə pulsuz xidmət etsinlər də" bu sözləri Qarabağ qazisi Rey Kərimoğlu deyib.
Onun sözlərinə görə, Qarabağ qazisinə hörmətsizlik edən şəxsə pul vermək olmaz: "O pulu da yönəltsinlər Şəhid ailələrinin 20 ildir verilməyən qanpulunun (hər ailəyə 11 min manatdır) ödənilməsinə!
Köməkçiləri ilə birlikdə ilə 3-4 milyon manat edir! Təkcə bu qənaətlə dövlət 4 ilə Şəhid ailələrinə olan borcunu tam bağlaya bilər!
Gözünüzü yumub deputatlarımızı gözünüzün qabağına gətirin.
Cəbhədə hər iki ayağını itirmiş 18 yaşlı əsgərə 75 manat verilməsinə səs verən adamlara pul düşmür!
Vallah, elə belə demirəm! Qarabağ qazisinə, Şəhid ailəsinə belə hörmətsizlik edən adamlara pul vermək olmaz"
