Azərbaycan Mərkəzi Bankının İdarə Heyətinin sədri Elman Rüstəmov növbəti devalvasiya ilə bağlı yayılan söz-söhbətlərə aydınlıq gətirib.
AZXEBER.COM Milli.Az-a istinadən xəbər verir ki, Rüstəmov bunun şayiədən başqa bir şey olmadığını bildirib:
"Devalvasiya ilə bağlı şayiələr yayıldı, aprel, may ayında... Amma gördünüz ki, heç nə baş vermədi. Çünki heç bir fundamental amil yoxdur. Ölkənin valyuta ehtiyatları tələb-təklifdə 2 milyard təklifin xeyrinədir. Belə olduğu bir şəraitdə ölkədə devalvasiyadan danışmaq olmaz".
