Devid Bekhem Fransa prezidenti ilə qonşu olacaq

Futbolçunun yaşayacağı “Bristol” oteli Parisin məşhur “Fobur Sent-Onore” küçəsində yerləşir. Həmçinin Fransa prezidenti Fransua Ollandın yaşadığı Yelisey sarayı da həmin küçədə yerləşir. Bekhemin qaldığı nömrənin ümumi sahəsi 320 kv metrdir. Həmin nömrədə otaqlar bahalı daşlarla və nadir naxışlarla bəzədilib. İngiltərə yığmasının keçmiş kapitanı bu nömrədə 2013-cü ilin iyununa kimi qalacaq.  Qeyd edək ki, Bekhem Parisdə tək yaşayacaq, onun xanımı və uşaqları isə Londonda qalacaqlar. //anspress