"Azərbaycan dünyəvi dövlətdir. Vahid məktəbli formasının məqsədi sinifdə uşaqlar arasında fərqliliyin görünməməsi və hər bir şagirdin bərabər olmasıdır. Qaydalar hamıya eyni şəkildə tətbiq olunmalıdır. Məsələ dinə münasibət deyil, məktəbin neytral təhsil məkanı olmasıdır”.
Bu sözləri AZXEBER.COM-a açıqlamasında Milli Məclisin deputatı Naqif Həmzəyev bildirib.
Deputat vurğulayıb ki, dini inancların sərbəst yaşanması məktəbdən kənarda, ailədə və ibadət məkanlarında mümkündür:
"Dini inancı hər kəs məktəbdən kənarda, ailədə və məbəddə sərbəst yaşayır. Məsələnin həllində hər kəs öz töhfəsini verməlidir. Valideynlər məktəbin qaydalarına əməl etməli və övladlarına bu qaydaların mahiyyətini izah etməlidirlər. Müəllimlər öz nümunələri ilə şagirdlərə yol göstərməlidirlər. Məktəb rəhbərliyi isə qaydaları izah edərək, hamıya eyni şəkildə tətbiq etməlidir. Cəmiyyət də sosial şəbəkələrdə yayılan şayiələrə inanmamalı, məlumatları rəsmi mənbələrdən götürməlidir.
Nəticədə məktəbdə vahid qayda yalnız nizam-intizam məsələsi deyil. Bu, təhsilli, birlik və həmrəylik ruhunda böyüyən, ideoloji təxribatlara qarşı güclü immuniteti olan nəsil yetişdirməyin bir yoludur”.
Fəridə Əsədzadə
