Detroylu olması ilə fəxr edən məşhur ABŞ avtomobil nəhəngi Chrysler qrupa məxsus Dodge brendi “Forsaj 6” filmi üçün 3 reklam çarxı hazırlayıb.
Səbəb hazırda kinoteatrlarda nümayiş etdirilən döyüş filmində Dodge-un 3 modelinin çəkilməsidir. Çarxlardan birincisi “How to make your car fast and furious?” (“Avtomobilinizi necə sürətli edə bilərsiniz?” – Filmin ingiliscə adına – “Fast&Furious”-a uyğun ), digəri “Flash to future” (“Gələcəyə sıçrayış”) adlanır. 3-cü isə hələ yayımlanmadığından adı açıqlanmır.
Amerikanın əfsanəvi markalarından sayılan Dodge Charger və Challenger modelləri ilə bir sıra populyar filmlərdə, o cümlədən Forsaj filminin əvvəlki seriyalarında əsas rol oynayıb.
Forsaj 6-da Dodge 3 modeli ilə baş rolları – filmin baş qəhrəmanının avtomobili rollarını alıb. Vin Dizelin oynadığı Dominik Toretto film boyu Amerikanın əfsanəvi əzələli avtomobilləri sayılan 1969-cu ilin Dodge Daytona-sında görünür. Bundan başqa, baş qəhrəmana çətinlikləri aşmaqda 2012-ci ilin Dodge Charger SRT8-si və 2012-ci ilin Dodge Challenger SRT8-si əvəzsiz kömək göstərir. Hətta filmin rəsmi treylerlərində Dom-un Dodge Charger ilə yük təyyarəsini neçə çəkib yerə saldığını görürük.
Yeri gəlmişkən, Bakıdakı Chrysler Mərkəzdə də təqdim olunan Dodge Charger SRT8-in gücünü film Azərbaycana gəlmədən yoxlamaq maraqlı olar. Bundan sonra film haqqında doğru rəy verə bilərik .
