“Bu xəbəri şahidlər də təsdiqləyir”.
Dubay hökmdarı və Birləşmiş Ərəb Əmirliklərinin (BƏƏ) baş nazirinin böyük oğlu Muhammed ben Raşid Əl Maktuma – Şeyx Rəşid ürək tutmasından deyil, Yəmən ərazisində aparılan hərbi əməliyyatların gedişatında həlak olub.
Oxu.Az TASS-a istinadən xəbər verir ki, bu iddia ilə İranın “Fars” agentliyi çıxış edib, agentlik bu barədə məlumatlı mənbələrə və şahidlərin ifadələrinə əsasən bildirib.
“Şeyx Rəşid və bir neçə BƏƏ hərbçisi Yəmənin Marib əyalətində “Ansar Allah” (şiə hərəkatının tərəfdaşları) tərəfindən açılan artilleriya atəşi nəticəsində həlak olub”, - agentlik qeyd edir. Bu xəbəri Yəmənin adıçəkilən vilayətində döyüşlərdə iştirak edən şahidlər də təsdiqləyir.
Şənbə günü BƏƏ hökuməti aparatının rəhbəri Dubay hökmdarının böyük oğlunun ürək tutmasından həlak olduğunu elan etdi. Məlumatda 34 yaşlı şeyx Rəşid ben Muhammed Əl Mahtumun ürək tutmasından həlak olduğu bildirilirdi. Əmirlik hökuməti baş verənlərin detallarını açıqlamır.
Sentyabrın 13-də Yəmənin hökumət qüvvələri “Ansar Allah”ın qiyamçı-housitlərinin nəzarət etdikləri Marib vilayətində genişmiqyaslı hücuma keçiblər.
Əməliyyat ərəb koalisiyasının quru qoşunlarının dəstəyi ilə keçirilir, qoşunun tərkibində olan hərbçilərin sayı hal-hazırda 10 minə yaxındır. İlk dəfə onun qoşunları Yəməndə belə geniş formatda yer əməliyyatlarında iştirak edirlər.
Koalisiya qüvvələrinin fəal şəkildə Yəmənə göndərilməsi Səfərdə aviabazanın housitlər tərəfindən atəşə tutulmasından sonra başladı. Atəş nəticəsində onlarla xarici əsgər həlak oldu, ən çox isə BƏƏ qurban verdi - 46 nəfər. Bunun ardından BƏƏ, eləcə də Səudiyyə Ərəbistanı və Qətər hər biri Yəmənə elit bölüklərə məxsus min döyüşçü göndərdi. Maribdə döyüşlər indi də davam edir.
