Dünyada 235 290 insan koronavirus infeksiyasının qurbanı olub.
Bu barədə ABŞ-ın federal və yerli hakimiyyəti, KİV və başqa mənbələrlə hesablamalar aparan Cons Hopkins Universiteti bildirib.
Universitetin son məlumatına görə, dünyada 3 303 296 koronavirusa yoluxma qeydə alınıb. Ayrı-ayrı ölkələrdə virusa yoluxmuş 1 039 588 insan sağalıb.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
///Report
